नेपाल कृषि अनुसन्धान परिषद् नार्कको ३३ औँ वार्षिकोत्सवको अवसरमा काभ्रेको पनौतीमा एक दिने बाली उपचार शिविर तथा वैज्ञानिक र किसानबीच अन्तरकृया कार्यक्रम सञ्चालन गरिएको छ । राष्ट्रिय कीट विज्ञान अनुसन्धान कार्यक्रम, खुमलटारको आयोजना र राष्ट्रिय बाली रोग बिज्ञान अनुसन्धान केन्द्र, खुमलटार एवम् पनौती नगरपालिकाको सह–आयोजनामा सञ्चालित कार्यक्रममा पनौती वरपरका ४० किसानको सहभागिता थियो ।

कार्यक्रममा किसानले सोधेका रोग र कीराका समस्याको समाधानका उपायहरूबारे नार्कका बैज्ञानिकहरूले जानकारी दिएका थिए । बैज्ञानिकहरूले शिविरमै नमूनाको जाँच गरी आवश्यक सल्लाह दिएका नार्कले जनाएको छ ।