काभ्रेको महाभारत गाउँपालिका–४ महादेवटारमा एक दम्पती मृत फेला परेका छन् । जिल्ला प्रहरी कार्यालय काभ्रेपलान्चोकका अनुसार स्थानीय मानबहादुर बल र उहाँकी श्रीमती केकाइमाया मृत अवस्थामा भेटिनुभएको हो ।

गाउँपालिका अध्यक्ष कान्छालाल जिम्बाकाअनुसार बल दम्पतीको टाउकोमा हम्मर प्रहार गरिएको पाइएको छ । हिजो शव फेला परेको घटनापछि प्रहरी नायव उपरीक्षक राजकुमार श्रेष्ठको नेतृत्व र ईलाका प्रहरी कार्यालय मङ्गलटारको प्रहरी टोली खटिएर थप अनुसन्धान थालेको जिल्ला प्रहरी कार्यालय काभ्रेपलान्चोकले जनाएको छ ।