जाजरकोटको कुशे गाउँपालिका–१ तारेचौर नजिक खोलामा माछा मार्न गएका एकजनाको बाढीले बगाएर ज्यान गएको छ । अरू ६ जना घाइते भएका छन् । घाइतेको उद्वार गरिएको छ ।

गएराति ११ बजे खोलामा माछा मारिरहेका बेला आएको बाढीले बगाउँदा कुशे गाउँपालिका–९ का इन्द्रबहादुर रोकायको ज्यान गएको गाउँपालिकाका उपाध्यक्ष देविका सिंहले जानकारी दिनुभयो । ज्यान गुमाउने रोकाय मालटाकुरा माध्यमिक विद्यालयका शिक्षक हुनुहुन्थ्यो ।

बाढीमा परी कुशे–४ तम्तीका राजेन्द्रबहादुर शाही, खिमबहादुर शाही, पृथ्वीबहादुर शाही, जीवन जैसी, कुशे–१ तारेचौरका गोबिन्द रावत र दीपेन्द्रबहादुर चलाउने घाइते भएको र सबैको उपचार भैरहेको उपाध्यक्ष सिंहले जानकारी दिनुभयो ।