नेपाल महिला टोली फाइनलमै बारम्बार अभागी बनेको छ। १३औं फाइनलमा हारेपछि पनि उपविजेता ट्याग अझै हट्न सकेको छैन र फाइनलको जिंक्स टुट्न सकेन।
नेपालले साफ (साग) प्रतियोगितामा छैटौं पटक पराजित भइसकेको छ। यसका अतिरिक्त, दक्षिण एसियाली खेलकुद (साग) मा पनि नेपाल ३ पटक र हिरो गोल्डकप, नादेज्दा कप तथा वाफ वुमन्स च्याम्पियनसिपमा एक–एक पटक फाइनलमा पराजित भएको इतिहास छ।
साफको १४ वर्षे यात्रामा नेपालले कुल ६ पटक फाइनल खेले तापनि अझैसम्म कुनै उपाधि जित्न सकिरहेको छैन। नेपालले भारतसँग ७ पटक, बंगलादेशसँग २ पटक र म्यानमार, उज्वेकिस्तान तथा जोर्डनसँग––एक–एक पटक फाइनलमा पराजय भोगेको छ।
अन्तिम पटक, २०२४ फेब्रुअरीमा नेपाल वाफ च्याम्पियनसिपको फाइनलसम्म पुग्यो तर जोर्डनसँगको पेनाल्टी सुटआउटमा ५–३ ले पराजित भई उपाधिबाट वञ्चित रहयो।
दक्षिण एसियाली साफ वा सागमा पहिले भारत नेपालका लागि ठुलो बाधक रहँदा, पछिल्लो केही समयमा पाँच पटकका च्याम्पियन भारत विरुद्ध नेपालले राम्रो प्रदर्शन गर्न थालेको छ। नेपालले साफमा दुई पटक सेमिफाइनलमा भारतलाई जित्न सके पनि, पछिल्ला दुई संस्करणमा नयाँ टोली बंगलादेशले चुनौती प्रस्तुत गरेको देखिन्छ।
सन् २०१० मा बंगलादेशको कक्स बजारबाट प्रारम्भ भएको साफ महिला च्याम्पियनसिपमा नेपालले भारतसँग चार पटक र बंगलादेशसँग दुई पटक फाइनलमा पराजय भोगिसकेको छ।
- भारतसँग २०१० मा १–०, २०१२ मा ३–१, २०१४ मा ६–० र २०१९ मा ३–१ ले पराजित भएको नेपाल,
- २०२२ मा बंगलादेशसँग ३–१ र २०२४ मा २–१ ले फाइनलमा पराजित भएको छ।
यस्तै, २०१० देखि नै साग महिला फुटबलमा नेपालले भारतसँग तीन पटक पराजित भइसकेको छ।
- २०१० मा बंगलादेशमा भएको ११औं सागमा नेपालले भारतलाई ३–१ ले,
- सन् २०१६ मा भारतमै भएको १२औं सागमा ४–० ले,
- र २०१९ मा नेपालमै भएको १३औं सागमा २–० ले पराजित गरेको थियो।
अर्कोतिर, २०१९ मा नेपाल हिरो वुमन्स गोल्डकपमा म्यानमारसाग र नादेज्दा कपमा उज्वेकिस्तानसँग फाइनलमा पराजित भइसकेको थियो भने २०२४ फेब्रुअरीमा जोर्डनसँग वाफ च्याम्पियनसिपको फाइनलमा पेनाल्टी सुटआउटमा पराजित भएको थियो।
२० चैत्र २०८१, बिहीबार
