इरानमा १० दिनदेखि जारी विरोध प्रदर्शनका क्रममा कम्तीमा ३६ जनाको मृत्यु भएको छ। इरानस्थित ह्युमन राइट्स् एक्टिभिस्ट्स् न्युज एजेन्सीका अनुसार (एचआरएएनए) ले प्रदर्शनमा मारिएकामध्ये ३४ जना प्रदर्शनकारी र दुई जना सुरक्षाकर्मी छन्।

इरानी अधिकारीहरूले भने अहिलेसम्म मृतकको आधिकारिक संख्या जारी गरेका छैनन्, यद्यपि उनीहरूले तीन सुरक्षाकर्मी मारिएको बताएका छन्। बीबीसी फारसीले अहिलेसम्म २० जनाको मृत्यु र पहिचान पुष्टि भएको जनाएको छ।

एचआरएएनएका अनुसार, हिंसाका क्रममा ६० भन्दा बढी प्रदर्शनकारी घाइते भएका छन् र २ हजार ७६ जनालाई पक्राउ गरिएको छ।इरानमा महँगी र आर्थिक संकटका कारण सुरु भएको विरोध प्रदर्शन देशका ३१ प्रान्तमध्ये २७ वटामा फैलिएको छ।